政壇：胡敏珊 揀賀卡心思思

單身貴族嘅鐘錶界美女Christie胡敏珊，閒來獨自逛街，自得其樂。日前下晝四點幾喺中環太子大廈，就遇見Christie逛商場打發時間，後來入咗一間精品店睇賀卡，花多眼亂都唔知揀邊張好。見佢睇住一張淺綠色賀卡，似乎好有興趣，但係研究一輪後，都係放低唔買。睇佢揀卡嗰副認真嘅表情，唔知係咪送畀男士嘅呢？佢話近期工作好忙，要籌備推出新產品，講咗兩句之後，佢又話要返公司開會，所以做女強人真係唔簡單o架！

「Money18免費即秒股票報價網站」現推出8升級功能，財經資訊，實時實發！

胡敏珊偷閒去精品店揀賀卡。