政壇：花旗林鈺華 唔跑千級梯
今年花旗再次舉辦全球義工日，尋日就舉行啟動儀式，席間見到Christine林鈺華特別容光煥發，無他嘅，因為佢接替過咗中國區嘅周永贊，出任花旗環球個人銀行服務副總經理及零售銀行業務主管後，首次出嚟見傳媒。
唔經唔覺，義工日已經去到第六屆，今年就搞搞新意思，舉辦「千級挑戰賽」，即係喺花旗銀行大廈度比賽跑樓梯，話明千級，大拿拿要跑五十層樓o架！問到Christine會唔會親身參與，佢就話都係出錢支持好啲，雖然佢都有玩開運動，但就以瑜伽等靜態運動為主，跑樓梯咁劇烈嘅嘢唔太啱佢。
