政壇：煲呔曾G4保安密斟斷正

日前我哋獨家報道過，煲呔曾被示威者「拍膊頭」後，特首辦主任梁卓偉喺上周四答問大會之前親自去立法會新大樓視察示威區，惹來干預保安安排之嫌。雖然特首辦例牌否認，但尋日下午三點鐘左右，我哋就喺新大樓圖書館，撞到負責保護煲呔曾嘅G4喺度視察，立法會保安主任同G4有傾有講，有冇施壓、干預就不得而知。有相為證，今次仲唔斷正？

特首辦回覆話，煲呔曾廿一號出席立法會午宴，咪去新大樓了解吓安排囉。午宴地點係宴會廳，而煲呔曾同議員合照地點係大堂，但佢哋視察嘅係圖書館，莫非煲呔曾想改去圖書館開餐？

「Money18免費即秒股票報價網站」現推出8升級功能，財經資訊，實時實發！

G4人員、新聞處人員及立法會保安主任，尋日下午現身立法會新大樓圖書館踩線。