政壇：政府合成相穿崩唔知醜

醜唔係罪，但唔知醜就係罪。行政會議移師去添馬艦新特首辦之後，煲呔曾同成班行會非官守成員影咗張全體相，但細心一睇，唔難發現呢張相係由多張相合成為一張，真係成何體統？例如教育局局長孫明揚前面枱面、發展局局長林鄭月娥後面牆上嘅花紋同埋行會成員張炳良前面張枱嘅木紋，全部都出現「裂痕」。由此可以推斷，呢張相根本就係一張電腦合成照！

今次政府直認不諱，仲解釋因為用廣角鏡頭影呢張相，會導致相片四角出現變形，加上佢哋又冇全景相機，所以為咗有呢張咁多人嘅相，惟有用幾張相拼湊出嚟。

「Money18免費即秒股票報價網站」現推出8升級功能，財經資訊，實時實發！

林鄭月娥後面嘅牆身出現「裂痕」（箭嘴示）。