政壇：搞搞政：蘇錦樑慘被剝牙 唔敢說法
為確保《競爭法》獲得通過，政府不惜向商界全面讓步，大幅削弱法例對市民嘅保障。政府尋日下晝先通知各大傳媒機構，話商務及經濟發展局局長蘇錦樑會喺傍晚公開解釋政府嘅決定。眼見條例草案慘被「剝牙」，佢拒絕召開記者會向傳媒清楚解釋事件，反而選擇花唔夠十分鐘時間，以簡介形式向傳媒公布修訂草案嘅決定。
喺歷時十分鐘簡介過程中，蘇錦樑並冇同傳媒交流，以廣東話讀完講稿後，隨即轉往座駕方向，準備離開。
若非隨從提醒，佢早就去如黃鶴，跟住再以英語重複一次內容，而在場傳媒幾經追問下，佢先不情不願咁回答咗一條問題，答案更只係重複講稿中曾經闡述嘅論點。
老實講，佢同條草案一樣都被人剝晒牙，仲敢講「跪低」嘅理由咩，掩口走快啲就真。佢尋日有幸署任財爺，估唔到首天署任就要跪低，認真黑仔。
