政壇：名人二代組工總青委會
工業總會宣布成立青委會，由工總前主席孫啟烈大公子Eric孫榮聰做首任主席，「德國寶」創辦人陳國民囡囡Karen陳嘉賢同工總副主席劉展灝大仔Gary劉燊濤就擔任副主席，仲有立法會議員林健鋒個仔林凱章擔任執委。青委會由上月中成立至今，已招收咗七十名成員，為工業界注入年輕新動力。
新主席Eric來頭唔細，畢業於澳洲新南威爾斯大學，主修工商管理，畢業後曾任職德意志銀行、香格里拉酒店集團等，○六年加入家族品牌「Kinox建樂士」，主力研發、生產同銷售高級廚具及電器。副主席Karen畢業於美國華盛頓大學，現時係德國寶副總裁，除咗幫爸爸手拓展家族業務，仲喺浸大攻讀工商管理博士。
孫榮聰擔任工總青委會首任主席，睇落一表人才。（工總提供）