政壇：18歲黃蔚然澳洲鋼琴賽奪魁
香港演藝學院二年級鋼琴學生黃蔚然，本月初喺澳洲新南威爾斯美德崗舉行嘅2011 Southern Highlands International Piano Competition中，喺十二日內完成四場篩選賽，並喺決賽中演奏蕭邦鋼琴協奏曲1號E小調作品11，技壓全場，擊敗六十名嚟自世界各地嘅鋼琴精英，奪得冠軍兼蕭邦練習曲最佳演繹獎。
年僅十八歲嘅蔚然更成為該項賽事中歷屆最年輕嘅冠軍得主，除獎金二萬澳元（約十六萬港元）外，佢更獲國際演出機會。○五年迄今，蔚然已奪得八個國際賽事嘅獎項，為港爭光。
蔚然話今次係佢成年後首次摘冠，別具意義，亦感謝父母一直以嚟對佢嘅支持。
黃蔚然人靚之餘，仲彈得一手卓越嘅鋼琴。