政壇：太古梁志群再戰選委
坊間盛傳太古旅遊董事總經理Andrew梁志群明年會挑戰立法會旅遊界議席，但佢尋日就話依家言之尚早，但可以肯定嘅係，佢會參加嚟緊嘅特首選舉委員會界別選舉，○六年佢仲係政壇初哥嘅時候，就以第二高票數成功當選選委。
Andrew喺太古打咗三十幾年工，咁耐以嚟令佢最難忘嘅經歷係八十年代派駐新畿內亞三年，喺呢個水清沙幼嘅地方佢學會潛水，爭一級就考埋個教練牌，佢話好享受日日同啲魚一齊游水嘅快樂日子。
但佢喺當地曾經被賊人入屋打劫，雖然成功將賊人擊退，但其後回港一趟再返到當地，就發現屋企嘅嘢被賊人搬走晒，最後要搬屋避賊，至今仍相當難忘。
太古旅遊董事總經理Andrew梁志群