政壇：陳碧鏵傳過檔恒隆
曾擔任八達通行政總裁、後因出售客戶資料圖利而黯然下台嘅陳碧鏵，月底就會劈炮無綫電視國際業務總經理，佢今年初先入無綫，閃電劈炮為乜呢﹖據最新報料話，陳碧鏵已經搵到新工，下個月起，就會過檔恒隆地產，幫天不怕、地不怕嘅恒隆主席陳啟宗打工。我哋搵恒隆集團傳訊助理董事關則輝求證，但佢既唔承認又唔否認，不過，下個月一切見分曉。
據熟悉恒隆內部運作嘅老友話，陳碧鏵過檔唔係冇可能，事關原八達通財務總監何孝昌○八年加盟恒隆，出任財務及行政助理董事，去年九月更加升任執行董事。何孝昌同陳碧鏵當年因為賣料一事，孖住去立法會接受議員嘅嚴刑拷問，曾經落難，家吓惺惺相惜都唔出奇噃。
八達通醜聞之後，陳碧鏵搵工一波三折，最新傳佢加盟恒隆集團。（資料圖片）