愛護動物協會會長傅明憲（Gigi）係愛狗之人，尋日出席嘉許狗醫生頒獎典禮，佢有雙重身份，一係任頒獎嘉賓，二係代已去世嘅愛犬領取終身成就大獎，佢話尋日係叨愛犬嘅光。
傅明憲話，自己一向有訓練愛犬，遲啲會帶家中兩隻小狗考狗醫生牌照，問到訓練秘訣？佢話：「我會特登喺佢哋食嘢嗰陣搞佢哋，訓練佢哋EQ，畀佢哋知即使有嘢食都唔可以發癲！」上周生日嘅佢，直言與男友、狗仔及朋友到山頂一同慶祝。
傅明憲係愛狗之人，尋日出席活動並代已逝嘅愛犬領獎。
