City Parade：善心接班人
城中富豪二代，家底深，學歷更厚。牛津及劍橋大學一班舊生，上周六齊集深水灣鄉村俱樂部，舉行兩年一度慈善晚宴，富豪接班人雲集，著名品牌Cartier係當晚金鑽贊助，善心可嘉。十月旺結婚，「造紙大王」李運強的二仔李文恩早前小登科，喺洲際酒店舉行世紀浪漫婚宴。
霍啟剛眾友名門二代
已故全國政協副主席霍英東長孫霍啟剛（左一）喺牛津畢業，佢同細佬霍啟山（左二）、保良副主席梁寶珠千金林玉茵（中），及觀瀾湖太子爺朱鼎耀夫婦（右一、右二）都係留學外國名牌大學嘅富二代
李桂蘭、鄭詩韻齊撐場
前民政事務局常秘李麗娟胞妹李桂蘭（中）穿上名師Arthur Lam設計嘅晚裝，與名媛鄭詩韻（右）及則師吳偉滔（左）齊齊撐場。
許建邦晚宴主席
銀行家許建邦擔任晚宴籌委會主席。
李仲怡結伴去Ball
前東華三院主席李三元細仔李仲怡（左二）與友人Jason（右二）及Clare（右一）齊去Ball。
周瑋雯、馬賢慧華麗晚裝
已故富商馮景禧外孫女周瑋雯（右）與名媛馬賢慧（左）身上嘅華麗晚裝，同樣出自著名時裝設計師Vivian Luk（中）手筆。
陳聖澤賞面到賀
恒和珠寶主席陳聖澤（右二）的新抱郭靜欣（左一）係新娘子家姐，佢同太太（右一）及兒子陳偉立（左二）當然賞面飲喜酒。
紙王家族世紀婚禮
李文恩（右四）舉行世紀婚禮，全家撐場。左起姐夫龔鈁、家姐李文禎、媽咪、新娘子郭靜怡，還有細佬李文斌夫婦（右一及二）及爸爸「造紙大王」李運強（右三）。