「股神」巴菲特已經八十一歲，掌管投資旗艦巴郡四十年，市場人士不斷透過種種蛛絲馬迹揣測佢嘅退休大計，但經過咁多年，巴菲特仍冇退下來嘅迹象，甚有「鞠躬盡瘁，死而後已」之意。巴菲特兒子霍華德更指爸爸永不言休，佢嘅字典中冇「退休」一詞，甚至講過「即使入咗墳墓，佢都會用通靈術同董事開會！」
巴郡上月宣布聘請一名投資經理的聲明，提到巴菲特嘅最終「退休計劃」，令市場揣測佢離退休之期不遠。巴菲特傳記作者基爾帕特里克更話，在此之前，佢未見過巴郡提及巴菲特退休嘅字眼。
霍華德（左）話爸爸巴菲特（右）嘅字典中冇「退休」一詞。（資料圖片）
