早幾日喺中環ifc見到前港姐Winnie銀行家族後人馬清揚太太錢慧儀,當時佢一身便裝、戴住眼鏡,喺超市好悠閒咁閒逛買嘢。佢周圍睇吓望吓,買嘢食又揀吓廚具用品,一副賢妻良母嘅模樣。
行行吓,佢停咗喺煙火腿凍櫃前,目光不停喺啲肥嘟嘟嘅煙火腿上面,望咗一段時間後,就叫職員攞啲火腿畀佢試食,仲好認真咁嗒真啲味道添,最後買咗其中一隻煙火腿就畀錢離開。
記者上前問佢買咗啲乜,佢話囝囝好鍾意食煙火腿夾麵包,所以特登嚟入貨,點知冇食開嗰隻,要揀過第二隻,咪要試味囉!
靚太錢慧儀一身素顏便裝打扮喺超市買嘢。