立法會新大樓為咗趕住入伙，工人大半年前已不停日夜趕工。雖然立法會秘書處一再強調工程「已經完成」，但其實大樓內好多地方都未拆工程圍板。
工程係咪「已經完成」，睇吓呢張新鮮滾熱辣影嘅相就知，有人發現新大樓九樓嘅𨋢門有塗鴉，除咗寫住「2012年政府總部重建」，仲有就係用粗口「問候」立法會工程管工。立法會工地出現粗口字，我哋都寫過，但係到依家都仲未將所有塗鴉遮蓋，仲要喺𨋢門呢啲咁顯眼嘅位置，好明顯係工程仲未完、仲有好多手尾執喇。