SUN世代：昔日師徒今日摯友
縱然已從體壇最前線退下來，但一有時間，Ivan都會抽空出席各個大型運動會，為一眾昔日戰友吶喊助威，如在○八年，他就特地到北京觀看殘疾人士奧運會。以觀眾身份重返賽場，令他感慨良多，「喺觀眾席上面睇佢哋比賽，令我諗番起以前帶隊比賽嘅畫面，同埋當日喺場上指揮嘅情景，依家唔可以再並肩作戰，唔多唔少都有啲失落。」
未能再於場上運籌帷幄，Ivan卻因此多了一群摯友，少了「師徒」關係的束縛，令他與運動員間的關係更勝從前，「當年同運動員嘅關係比較拘謹，大家嘅話題好多時都圍繞訓練內容，或者係戰術運用。但係當我由教練嘅崗位退落嚟，大家好似仲熟咗，聚會嗰陣會無所不談，連避忌都少啲！」
在本年度博鰲青年論壇（香港），Ivan（箭嘴示）與一眾菁英會領導及國情班同學合照。