政壇：加讚錫晒圓圓免被子丹打
「玩具大王」蔡志明一家係虔誠基督徒，前晚蔡太李惠莉為支持福音電影而包場大請親朋，動員全家上下兼未來新抱汪圓圓撐場。另外，問到父母有冇催婚時，加讚笑言：「冇，佢哋係潮啲嘅父母，唔會逼我哋，順其自然，最緊要我哋開心。」
圓圓大讚加讚係個好男友，又指對方嘅父母對佢很照顧，加讚插口話：「佢哋好鍾意圓圓。」圓圓即補充﹕「我嘅父母都好鍾意你。」至於加讚係咪過咗圓圓姐夫甄子丹呢一關﹖加讚坦言：「佢個人好Nice，完全無壓力，我哋好好傾。」咁有冇話你對圓圓唔好，就一拳打你上宇宙﹖佢就話：「如果唔好，我塊面已經有一撻。」圓圓笑謂：「姐夫唔會咁講，已經出咗手打佢。」
汪圓圓大讚加讚係個好男友。