政壇：童顏蔡素玉舊相熱爆網
最近唔少政界名人都畀人刊登咗啲陳年舊相，就連喺東區區議會自動當選嘅現任區議員蔡素玉都畀人擺咗張「少女素玉」相上社交網站。
相中嘅「少女素玉」梳咗個爆炸頭，着咗件反領外套，入面襯咗件直條衫，打扮都幾樸素，有網友仲問蔡素玉係唔係喺北韓出世添。「玉照」一出街都引起唔少網友搭訕，有啲網友就話覺得佢依家同後生個樣落差唔係好大，甚至話佢「甚有味道」，但亦有人話似藝人尹光扮女人，睇完叫救命。
蔡素玉就話查實呢張相係佢十一、二歲啱啱由內地鄉下嚟香港時影嘅，初嚟埗到仲電埋髮，嗰時應該係小童，而唔係少女。至於網友點攞到佢張相，佢就話連佢都唔知。
蔡素玉童年時嘅氣質同佢依家似唔似？