政壇:商貿大使Twins唱好香港

獲選為貿發局「商貿大使」嘅Jackie馮芷祺同理工大學Rachel鍾力爽,遲啲就會去外地推廣香港。其中Jackie喺中大修讀社會學,本來佢同從商大纜都扯唔埋,但佢話參加咗大使計劃後,就改變咗諗法,對商貿興趣多咗,仲立志創立一間社會企業,希望用學到嘅知識去填補社會制度嘅漏洞喎!

Rachel來自佛山,喺理大修讀市場學,佢話來港讀書係為咗了解香港,而參加咗大使計劃就更加開心。佢話喺計劃中曾訪問某集團創辦人,聽到嘅白手興家故事,令佢明白到原來興趣都可以變為事業。

貿發局副總裁方舜文就話貿易係香港重要一環,希望可以透過呢個計劃擴闊年輕人嘅視野,其實個人發展可以有好多可能性,前路未必一定平坦嘅。

「Money18免費即秒股票報價網站」現推出8升級功能,財經資訊,實時實發!

Jackie(左)同Rachel(右)遲啲會去外地推廣香港。