政壇：李梓敬釣墨魚走失團友
仲係政治新丁嘅富貴黨青年團主席Dominic李梓敬，嚟緊將會出選葵青區議會新石籬選區。Dominic喺呢區已經服務一段時間，搞咗咁多次活動，佢印象最深刻係有一次為街坊搞釣墨魚團，點知半路中途唔見咗一位團友。
Dominic憶述，當日同班街坊去鯉魚門食飯之後去西貢，誰不知飯後發現有團友唔見咗，成班義工職員搵勻都唔見人，打電話對方又唔聽，佢最後決定繼續帶團完成行程，同事就繼續搵，當時大家都好驚對方出意外，結果第二日佢哋先聯絡到嗰位失蹤團友。呢次意外亦令Dominic明白到地區服務責任真係好大。喺新石籬出選嘅仲有梁國華同陳嘉樂。
