緊張媽媽變女兒心中惡魔

【本報訊】「直升機家長」遍布全港，不少家長以為只是為子女好，並不察覺自己成為「直升機家長」。育有兩名子女的鄭女士一直用以身作則方式去教導，「為仔女放棄咗好多，為咗身教更唔睇電視！」她又憶述當年為女兒安排多種課外活動，豈料一次送女兒去宿營時，卻聽到女兒說：「終於擺脫惡魔喇！」鄭女士赫然發現，自己在女兒心目中只是「惡魔」，感到傷心。

為洗脫惡魔形象，鄭女士其後對兒子的學業便放鬆態度，最終兩名子女已長大投身社會，女兒高考時成績五優一良，事業發展理想，但兒子事業發展則稍遜，導致兒子有時埋怨母親未有因材施教。

自言並非「直升機爸爸」的周先生指太太是「緊張大師」，他指太太與女兒感情好，女兒並不介意與母親在facebook成為朋友，但他卻有朋友因強行加入子女的facebook監察，最終吵架收場，「佢哋响facebook成為朋友之後就鬧交，話睇佢啲朋友，跟住兩個唔講嘢，有咩就喺facebook講。」他認為，只要雙方同意在facebook成為朋友，家長欲檢查子女facebook前應事先告知，便能減少衝突。