前律師會會長王桂壎落莊之後傳聞多多，係咪進軍立法會暫未有聲氣，尋日就見佢以另一個身份出席活動，原來王桂壎係清水灣鄉村俱樂部副主席，嚟緊月底搞咗個跑步籌款活動，轉玩俱樂部嘅佢睇上去神采飛揚，一副樂在其中嘅樣。
王桂壎有份搞嘅籌款活動「健康快車」喺月底有籌款嘅活動，佢話今屆慈善跑係首次喺活動後安排攤位遊戲同嘉年華，事緣去年好快解散，浪費咗俱樂部個靚景，於是決定今年搞埋嘉年華，反應好嘅話會一直搞落去喎。
王桂壎
