本港女性喺政商界身居要職者唔少，尋日又有一個威水排名，事關「全球影響一百強（Influence100）」風雲人物，就揀咗國泰航空企業事務董事莊偉茵（Quince）入榜，佢更係唯一嘅港人及華人當選添。
Quince係公關界名人，屢次處理最令國泰管理層頭痛嘅工潮，亦曾代表國泰接收新飛機，已成公司代表人物之一。「全球影響一百強」選舉，係由公關行業分析機構《霍姆斯報告》（Holmes Report）主辦，評選標準主要係考核吓入選嘅公關專業人員，喺公司同業界有幾大影響力。
莊偉茵獲選為「全球影響一百強」風雲人物，圖為她接收新機時剪綵。（資料圖片）
