潮州人夠晒團結，日前香港潮州商會設宴慶賀今年榮獲授勳嘅同鄉，廖創興家族新抱廖湯慧靄獲得銀紫荊星章，好多人都向佢道賀，「家己冷」歡聲四起。
廖太係潮州新抱，佢本身雖然唔係潮州人，但老公係，潮州商會一眾都當正佢係「家己冷」。至於獲金紫荊星章嘅行會成員兼經濟學家劉遵義就講到近期市況，佢話近期歐債危機沒完沒了，搞到市民都驚，隨時有歐洲銀行「爆煲」，掀起全球金融震盪，但佢有信心歐洲政府最終將債務「炸彈」拆除，擺明大派定心丸。
廖湯慧靄獲授勳，梁劉柔芬（右）都戥佢開心。
