政壇：白鴿兩新丁靠學運出位
今年區議會選舉有好多新面孔，白鴿黨兩名新秀區諾軒及許智峯都係廿幾歲仔，佢哋讀大學時都係學運領袖，早早已關心政治，難怪家吓投身政壇。
依家喺中大做助教嘅區諾軒，原來同民主小女神周澄同屆，當年一齊搞學生會，曾經為反對校巴收費，發動同學自製代用券塞爆校巴收銀箱，仲當面鬧爆到校內演講嘅唐英年，○九年加入白鴿黨，話要代群眾發聲做區議員，嚟緊就會出選南區區議會利東一選區，與人民力量陳封華及張少強對壘。同樣喺讀大學時參與學生會嘅許智峯，亦都會出選中西區區議會中環選區，佢話○三年身在加拿大留學時已經不滿港府施政，畢業後索性入埋黨做政策研究。雖然今次區選面對女律師衛珮璇及選民力量蘇浩兩個對手，但智峯都話冇有怕，仲計劃夾BAND造勢拉票添。
許智峯（左）同區諾軒（右）讀書時都搞過學生會，依家就決心從政。