政壇：囝囝攝影展 李桂蘭捧場

名媛李桂蘭次子戴尚安（Sean）日前舉辦咗個攝影展，展出來自海陸空嘅多款作品，媽咪執靚靚捧場外，身為阿姨嘅前民政事務局常秘李麗娟亦有出席。李桂蘭話，囝囝熱愛藝術，十三歲留學英國時迷上攝影，有次返港度假去街市影咗批紅衫魚嘅相片，喺學校大獲好評兼攞獎，之後阿Sean去咗非洲大草原、北極雪地攝影，更幫過唔少城中靚人影相。至於妹妹戴尚蓮亦好此道，仲喺美國執導拍攝紀錄片「PLANEAT」，講述人類如何透過改變飲食習慣拯救地球，十二月底就會喺香港首映。

「Money18免費即秒股票報價網站」現推出8升級功能，財經資訊，實時實發！

李桂蘭執靚靚出席阿仔戴尚安嘅攝影展。