政壇：馬化騰雪冤促員工反思
內地互聯網巨頭騰訊一年前遭奇虎360指摘QQ軟件存在私隱風險，結果展開一場「3Q大戰」，事隔一年，北京法院終於作出終審判決，判定360對騰訊嘅商業詆毀構成不正當競爭，並要向騰訊道歉賠償，公司總算沉冤得雪，主席馬化騰尋日未見好興奮，反而向員工發信，勸誡同事不應感到欣喜，反而要從中反思。
馬化騰喺親筆信中指出，員工可能因公司沉冤得雪而欣喜鼓舞，但佢唔想公司上下沉醉呢種感覺，仲話，騰訊應反思。雖然集團呈現「柳暗花明又一村」嘅格局，但在摸着石頭過河嘅過程中，仍不可避免會犯錯走彎路，而公司上下亦要以開放嘅胸懷，面對及接納善意批評！