政壇：盧振雄退休擾民騷落幕
消防處盧振雄榮休，處方舉行連串退休騷引嚟勞民傷財、做大龍鳳嘅批評，公器私用嘅疑慮未消，盧Sir就自稱佢都畀呢啲歡送活動玩殘，真係辛苦晒噃！尋日沙田消防局舉行結業典禮，可以視為連串退休騷嘅尾聲，事關喺消防處度過三十六年嘅盧Sir終於退休了！
尋日結業典禮又一傑作，由於參加者眾多，有消防車被迫泊出街外，多名高級消防官員嘅座駕亦擠滿消防局外通道，要勞師動眾兼由交通警員維持秩序，結業禮歷時約兩小時。雖然今次安排極為擾民，但消防處發言人話，咁樣唔影響救援，亦唔涉阻街，因消防局外並唔係禁區喎。點都好啦，呢場風波總算完結，尋日最後一日返工嘅盧Sir未有回應記者提問，只係離開時絞低車窗同大家講再見。
盧振雄離開時開心講再見，似乎近日連串退休騷並無玩殘佢喎。