政壇：孫亞芳全球商界女性上位
商界有好多女強人，《財富》雜誌最新公布咗個「全球50位最具有影響力商界女性」排名榜，其中有十個女性來自內地與港台，當中排名最高嘅係以經營訊息及通訊解決方案供應商嘅華為技術公司董事長孫亞芳，佢舊年排第二十一位，今年就大幅上升至十七位。
緊接孫亞芳之後就係有台灣女首富之稱嘅HTC董事長王雪紅。佢由舊年唔喺五十強之列，到今年一入榜就穩佔第二十位。榜上有名兩岸三地女性仲有海爾集團總裁楊綿綿、海信集團副董事長兼總裁于淑珉、摩根士丹利亞太區聯席首席執行官兼中國首席執行官孫瑋、中國電力董事長兼首席執行官李小琳，同埋摩根大通董事總經理及中國區全球市場業務主管李晶。
按《財富》雜誌嘅排名，孫亞芳獲評選為中港台最具有影響力嘅商界女性。