政壇:CY鴻門宴銷治港理念

恒隆主席陳啟宗同新鴻基地產非執行董事郭炳湘尋晚喺快活谷馬場董事廂房設下鴻門宴,聲言讓「備選」特首嘅行政會議召集人CY梁振英向一班商界友好介紹吓佢嘅治港理念。CY喺晚宴後強調唔係嚟拉票,因為出席嘅一共二十人中,佢都唔知有邊啲將會成為選委,大家喺飯局上傾嘅係社會管治同民生嘅問題。

胡應湘話好耐冇見CY,見有免費飯食就特登嚟聽吓意見,佢又話聽完意見「就會有決定」,又話邊個做特首都要為香港嘅利益着想。有份請食飯嘅郭炳湘就話係嚟聽政綱,不時都有呢啲飯局,而今次咁啱請CY,又話飯局唔係面試,叫大家唔使咁緊張。

新世界發展董事總經理鄭家純尋日喺另一個場合,未有點名邊個係佢嘅心水特首,但佢認為新特首必須對本港整體利益好。但佢冇回應尋晚有冇出席富豪飯局。

有機會出席呢個飯局嘅疑似候選人,唔止CY,佢哋遲啲都會請唐唐嚟,講吓佢心目中嘅治港藍圖。

「Money18免費即秒股票報價網站」現推出8升級功能,財經資訊,實時實發!

梁振英

郭炳湘話尋晚唔係一個面試嘅飯局。

蔣震喺太太陪同下,嚟聽吓梁振英講乜。