政壇：80後法律超人戰區選
明明有律師唔做，走去做地區工作，何解？二十七歲嘅沈運華讀書成績優異，港大政治系畢業後又去城大讀法律，原本都係政治冷感嘅佢，喺港大畢業後機緣巧合去咗做區議員助理，見到議員日做夜做幫街坊後，先改變政治係污糟邋遢嘅諗法，決定要為街坊做啲嘢。不過，做地區工作時發覺自己唔夠班，所以半工修讀法律，可以幫街坊解決法律問題咁話。
但喺城大法律系畢業後，阿沈冇投身法律界，反而話要用專業知識幫班基層打工仔出頭，要為公義撐到底喎！
佢已經任彩雲邨社區主任四年，尤其關注勞工權益，磨刀四年，已報名參選黃大仙區議會彩雲南選區，與另一參選人張思晉對壘。
沈運華有律師唔做走去從政，已報名參選黃大仙區議會選舉。