SUN熱辣：怪談女主持為拍寫真捱針
近年在港開始流行的羊腸線穴位減肥，網上有不少網友分享這種減肥經驗，早前亦有娛樂圈中人嘗試。
曾主持怪談節目的藝人林熹瞳，去年因籌備拍攝寫真集，以羊腸線減肥。雖然成功瘦身，但她亦以過來人身份呼籲有意減肥人士，事前應三思，並應光顧本地持牌以及有信譽的中醫師，以免治療出錯，留下疤痕。
林熹瞳表示，去年因籌備拍攝寫真，為了身形更靚，花了約六千元以羊腸線穴位減肥，「我見佢喺本地持牌，又係睇開，所以都有信心。」於是，林在大髀、腰以及手臂都扎針，每兩周一次，做了四次完成，她憶述：「做完第一晚就唔舒服，無咩胃口，但之後都無事，身形亦無反彈。」
小心黑店籲勿亂試
林熹瞳呼籲市民切勿盲目嘗試羊腸線減肥，「如果去咗間黑店係用其他線扮係羊腸線，植入皮膚之後就唔會自動溶化，仲會留下疤痕。」
曾主持怪談節目的藝人林熹瞳，曾用羊腸線減肥。（資料圖片）