政壇：星展工作坊訓練團隊互助
星展嘅銀行財資同市場業務今年成績唔錯，除獎勵員工，亦不忘加強培訓，新加坡總部嘅集團財資及市場業務總監伍維洪，上個禮拜尾就帶咗中港台嘅團隊，一行百五人喺香港進行咗一日團隊訓練。
今次活動完全實踐到星展積極支持社會企業可持續發展嘅理念，年宵嘅時候星展都有資助好多後生仔喺維園做生意，今次星展邀請咗社會組織「黑暗中對話」同「無聲對話」舉辦工作坊，呢個工作坊亦係有史以嚟喺香港舉辦過最勁嘅一個添！
聽聞個工作坊好有創意，例如你有冇試過喺黑晒同冇聲嘅環境接受挑戰呀？話要畀員工訓練信任同埋希望大家互相協助。總監梁德立話好多謝「黑暗中對話」同「無聲對話」，鼓勵啲同事專注工作同企業盈利之餘，要多啲關心社會。
星展嘅員工喺黑晒嘅環境接受挑戰。