喺○三年成功查出沙士病毒真面目嘅「醫學神探」袁國勇，做咗香港大學微生物學系系主任咁多年，今年終於退位讓賢，由同系嘅年輕才俊教授胡釗逸（圖）接棒，但佢仍然會留喺港大微生物學系擔任講座教授，繼續傳授佢嘅「獨門武功」。
胡釗逸教授九一年喺港大醫學院畢業之後，一直做咗多項有代表性嘅研究，包括全球首次發現新品種霉菌香港型橫梗霉菌，又喺國際權威醫學雜誌發表針灸消毒不足可以令病人感染惡菌甚至會奪命嘅報告，完全有潛質繼承「神探」嘅衣鉢。
年輕才俊教授 胡釗逸
