立法會雖然抖緊暑，但好多議員都跟唔同嘅委員會外訪團出外取經，建仔日前就搞咗個南沙團，黨內一行人包括幾個立法會議員齊齊去廣州南沙參觀，佢哋喺過去嘅禮拜五、六上去兩日，亦參觀過科大嘅霍英東研究院添，雖然佢哋同廣州方面座談，了解到佢哋劃咗個穗港合作起步區，但個區點發展、建仔對香港同南沙合作有乜新睇法，就暫時欠奉。
