政壇：邵氏片場潮變婚宴場地
自從當局引入婚姻監禮人服務後，婚禮就變得富有創意，場地就更加變變變。尋晚小登科嘅羅揚傑（Alan）雖然有個工業家父親，但佢卻冇繼承父業，反而去搞The Press Room飲食集團，仲同太太將自己嘅婚禮搞得別出心裁。
本身係香港設計大使董事會主席嘅Alan話，由於今次請咗成八百名嘉賓，需要好大地方，但係香港擺大型婚宴嘅地方實在選擇唔多，所以最後揀咗邵氏片場，貪佢地方夠大，而且四面黑牆可以自由發揮布置意念。佢話婚宴布置以Country Home為主題，加啲懷舊feel。邵氏片場可以話係香港人嘅一個集體回憶，無論係上世紀六十年代嘅片廠，定係搖身一變依家嘅影城，喺度搞婚禮果然夠晒噱頭！
上世紀六、七十年代的邵氏片場係影視名人聚腳地。（資料圖片）