政壇：羅仲榮娶新抱官商到賀
前行政會議成員、金山工業集團主席羅仲榮尋晚娶新抱，佢公子羅揚傑（Alan）迎娶JIA精品酒店創辦人黃佩茵（Yenn）。做老爺嘅羅仲榮喺政商界人面好廣，尋晚到賀嘉賓好多，除咗政府多位巨頭外，前財爺梁錦松同太太伏明霞、富貴黨榮譽主席田北俊、大家樂集團太子女陳浩寧同未婚夫趙益坤、立法會議員霍震霆同大仔霍啟剛都有捧場。
由於婚宴場地好大，羅仲榮忙於迎賓，一直喺場內走嚟走去，但佢一路笑得好開心。
羅揚傑（左）同黃佩茵（右）新婚大日子，臉上喜悅表露無遺。
榮升老爺嘅羅仲榮（左）親自迎接霍震霆到臨。
