智能手機大行其道，提供多種功能嘅手機應用程式apps都應運而生，潮州商會都追上呢股科技「潮」流，研發咗個免費「潮人潮apps」推廣潮州文化，尋日商會一眾高層喺潮州會館舉行慶功宴。
發明呢個apps嘅潮州商會會長陳幼南、副會長胡劍江及青委副主任胡炎松席上好開心，陳幼南親身示範「潮人潮apps」，除咗有真人發聲教講潮語外，仲可以翻查潮州飲食、習俗、旅遊同商會嘅最新消息。近年醉心推銷家鄉美食同潮州文化嘅醫學界名人高永文都有出動，大家真係講起家鄉就收唔到口。
副會長胡劍江（右起）、會長陳幼南、高永文及胡炎松一齊推介「潮人潮apps」。
