政壇：鄭海泉嘆唔識睇港股
大笨象滙豐裁員消息傳出後，好多人都關注未來仲有乜動作，現任滙控顧問嘅鄭海泉（Vincent）尋日現身總行，佢話做顧問都要返嚟「做嘢」，但被問到滙豐嘅下一步時，佢就話依家「韜光養晦」緊，冇乜特別想法喎。
不過，一日係金融界嘅人，一世都改唔到習慣，入咗升降機嘅Vincent一睇資訊顯示屏，當時恒指跌咗過百點，佢就不禁慨嘆呢排外圍跌、恒指跟住跌，外圍升、恒指都唔見有大反彈，佢仲自謙唔識睇市喎。其實，港股波動咗幾個月，好多小股民都痛心荷包被陰乾，財經界高人都感慨跌市，唔知算唔算另類訊號呢？