政壇：薛芷倫克癌魔回歸Ball場
Ball后Fanny薛芷倫因患癌「消失」Ball場一段時間，近日終抗癌成功，成為抗癌戰士嘅佢，強勇回歸重踩昔日嘅Ball場，而愈戰愈勇嘅佢更正於上海籌組一個盛大的成人禮舞會，猶如亞洲版嘅「法國Le Bal Debutantes成人禮」舞會。
Fanny計劃嘅成人禮舞會好盛大，佢仲肩負做埋禮儀導師添，佢話：「出席舞會嘅女仔年齡由十六至二十五歲，要求品格良好，有禮貌，唔可以多緋聞，只會挑選真blue blood，我會負責訓練佢哋禮儀，而Kim Robinson都係委員之一。」至於原裝正版嘅法國成人禮舞會，屬當地一年一度上流社會的盛事，每年都會挑選來自世界各地嘅年輕貴族出席，賭王何鴻燊孫女何家晴亦曾獲邀出席盛事。
薛芷倫正於上海籌組一個盛大的成人禮舞會。（資料圖片）