點樣先可以留住員工呢？葉氏化工主席葉志成分享佢嘅經驗時話，佢會孖住細佬，即係集團副主席葉子軒，同埋細妹，集團另一大股東葉鳳娟，捐出四百萬股集團股份，用呢啲股份嘅股息成立「葉氏關愛延續基金」，資助有需要嘅員工仔女作為教育經費，以今年集團每股連同特別股息合計派十二仙計，就為呢個基金進帳四十八萬元。
揀依家成立基金係因為葉氏化工成立咗啱啱四十周年，葉子軒話佢同阿哥都好感激呢四十年嚟員工對公司嘅付出，幫公司賺到咁多錢，所以就想趁呢個機會回饋一下員工。