政壇：周紹榮六位數捧四葉鴨
本身係律師嘅菁英會委員Joseph周紹榮係城中「鴨癡」，舊年喺日本邂逅一隻蛋黃色「四葉鴨」，即時萌生做「鴨爸爸」念頭，計劃將佢引入香港，開枝散葉。
Joseph從事保護商標及版權法，每月總會飛東京、大阪公幹。一次機緣遇上四葉鴨漫畫作者大鹿先生，一見如故。佢不單止從此戒食鴨，更斥資六位數字捧紅隻鴨，年底將喺香港發行四葉鴨漫畫，又出產Q版毛公仔，首次創業。為鴨如此瘋狂，朋友都笑佢太天真、太傻。但佢相信直覺：「漫畫中嘅四葉鴨，性格同我好似，好有共鳴。」即使出差去日本，都會用背囊帶隻鴨上飛機。近日又執筆為四葉鴨寫小說，講述佢喺香港嘅奇遇。
Joseph錫晒四葉鴨，去日本人俱樂部食晏都帶埋佢。