網民質疑「大話冚大話」

【本報訊】梁家榮昨日「反高潮」，由離職時暗示有人干預、自責阻止不到江澤民死訊出街，到昨日大變臉將誤報死訊責任全攬上身，有網民直斥他「大話冚大話」、「不盡不實」和「一時一樣」，做法與他在任時的亞視新聞內容一樣。

亦有網民及亞視新聞部員工堅信梁家榮有難言之隱，質疑亞視主要投資者王征就是梁口中的消息人士。

對於梁家榮昨日的說法，網民麻友由紀認為是大話冚大話；goldenleg指梁打倒昨日的我；為tee開acc指梁不盡不實及一時一樣：「佢一時話阻唔到，一時話信咗所以出街，我覺得好有問題」。Mithril認為梁「隱瞞一定有，但佢唔想講你問極佢都唔會講」、「唔開P&P（《立法會（權力及特權)條例》）一定有嘢唔講得，唔係到時一身蟻」。柿菇丁更表示：「佢話消息人士唔係王征，若果唔係王，佢仲可以留喺亞視兩個月？如果你係老細，你會唔會留一個發布假消息嘅人喺公司？」

多名亞視新聞部員工繼續力撐「榮總」，稱梁指無受到管理層干預，即已暗示了該「干預」是來自非管理層，矛頭直指王征。有亞視記者在網上留言：「假如有非管理層人士一再要求盡快出街，壓力叫人阻不了又如何？」亦有記者估計消息人士是王征以外的第三者，足以令梁相信是代表王征。