SUN世代： 繼承創意 工業藝術
在楊悰傑（Jack）的藝術品概念店內，擺放了五隻恐龍模型，他興奮地說：「呢幾隻恐龍係講中國工業演變，包括香港工業北移，對我嚟講特別有意義。」別以為Jack是藝術家，事實上他是位傑出的年輕工業家。接手打理父親經營多年的模具、塑膠工業後，他沒有坐享父成，反而穩中求變，繼承父親的創意基因，將工業和藝術來個crossover，最近更在中環開設藝術品概念店。只因他認為今時今日，創意最值錢。
Jack在加拿大溫莎大學修讀環境工程，畢業後在當地工作了數年，因不忍父親終日為生意奔波勞碌，遂決定回港接管家族生意。走進Jack的工作室，只見木櫃上放滿企業管理的書籍，他說：「我最鍾意《藍海策略》，呢個世界有『紅海』，但無『藍海』，要喺競爭激烈嘅市場突圍而出，就要做冇人試過、冇人諗過嘅嘢。」
商場如戰場，要贏，就要較別人走前一步。Jack留意到近年的消費模式愈來愈重視美觀和包裝：「好似化妝品咁，大部分女仔都係睇個包裝靚唔靚，而決定買唔買。淨係做一個好好嘅化妝盒已經唔能夠滿足到佢哋。」於是，他把設計融合模具、塑膠工業，與不同設計師合作，在模具上設計各式各樣的圖案：「呢樣嘢喺行內嚟講都算新，係一個新嘗試。」
兜路返工刺激思維
最近，他更在中環開設藝術品概念店，除進一步擴大客源和合作夥伴外，更希望可以訓練自己的創意：「每件藝術品，用唔同角度去欣賞都唔一樣。平時做嘢如果睇多個角度，諗多幾面，就會有新發現。」
訓練創意，Jack還有一個小秘訣，就是左、右腦並用：「七成企業家都係用左腦多，成日諗件產品可以賣到幾錢，好少理情感上嘅嘢。接觸藝術，就可以令自己用多啲右腦，諗嘢全面啲。除咗利潤，會諗埋消費者嘅心理之類。」為加強左、右腦活動，Jack甚至連日常生活的細節也不放過：「有時早咗出門口，會兜吓路，行另一條路返公司，可以睇到好多平時留意唔到嘅嘢，刺激吓個腦。」
Jack's Profile
現職：精英企業控股行政總裁
學歷：加拿大溫莎大學環境工程學士
公職及成就：
2010年香港青年工業家獎
香港模具協會主席
香港工業總會委員
青年總裁組織珠三角區域分會主席
基督教勵行會榮譽顧問
Art-at-all 執行董事
職業訓練局技師訓練委員
香港生產力促進局委員
楊悰傑身後的五隻小恐龍，代表着中國工業發展的演變，對從事工業的他別具意義。
Jack（紅圈示）在傑出工業家頒獎禮上，與一眾嘉賓合照留念。
Jack將工業和藝術融合，更開設藝術品概念店，開闢新客源。