沙田馬場尋日有賽事，場內仲見到個稀客。邊個？趙式明囉！佢承認平日打理家族生意好忙，冇乜時間，入馬場就更加少，咁啱尋日有時間，咪跟朋友入嚟玩吓，忙裏偷閒，當叉吓電、輕鬆吓囉！佢仲話今次係馬季開鑼後首次入場。
問起同邊啲朋友一齊嚟玩？佢冇透露，但就話會跟朋友一齊下注，當係小賭怡情。講講吓，仲見到馬會行政總裁應家柏經過，兩人相遇，仲先嚟個擁抱，寒暄幾句添！
趙式明同應家柏相遇，當然影番張合照喇！
