政壇：保良騷名人親子撐場
一年一度嘅「星光熠熠耀保良」上周六熱爆紅館，唔少重量級名人都盛裝到會，仲帶埋仔女一齊捧場，好似主席龐盧淑燕與丈夫龐國本同囝囝龐維新夫婦、副主席梁安琪同長子何猷亨、女友Sabrina咁，令個show親情洋溢，格外溫馨。
冠名贊助今次個show嘅總理朱李月華同老公朱沃裕帶埋囝囝同女友一齊睇show，問囝囝幾時同女友拉埋天窗？朱先生笑住咁話仲係女朋友，邊有咁快呀？另一總理陳細潔以中性嘅破格打扮出現，佢話年年都打扮得咁女性化，今年想特別啲喎。卓妮問單身嘅佢最近忙啲咩，佢話公司同做善事都忙，有追求者都冇時間拍拖。
龐盧淑燕擔任保良局主席，囝囝龐維新同媳婦當然捧保良大騷。
朱俊浩同女友拍拖嚟睇show。