政壇：史玉柱再bid午餐時間
最近世界各地都掀起同名人一齊食午餐嘅熱潮，所得嘅善款大多數捐畀慈善機構，舊年開始嘅中國版「與名人一起午餐」頭炮則請得營銷大師史玉柱，經過一百多輪競標後，共三個小時午餐時間，創下一百八十九萬人民幣天價。據聞第二輪「與史玉柱一起午餐」活動已經開始，起價為四十九萬九千九百九十九元，究竟三個小時午餐時間會否再次刷新紀錄，呢個就要拭目以待喇！
雖然未知邊個幸運兒今年有機會同史玉柱午餐，但舊年中標者林源同整個管理團隊就「賣花讚花香」，認為中標價一百八十九萬元係非常值得，因為當時問咗史玉柱好多營銷問題，又有問及如果企業有多餘資源應投資乜嘢等，期間真係學到好多知識喎。