政壇：楊振寧妻低調入讀清華
不斷進修先能夠不斷上進，嫁咗畀諾貝爾物理學獎得主楊振寧嘅翁帆，就落實呢個原則，最近喺北京著名學府清華大學修讀建築系課程，有內地網友仲瘋傳翁帆喺清華上堂嘅一張「學生相」，似乎翁帆啲同學都對佢充滿好奇心。
學堂中嘅翁帆衣着樸素、好留神聽書。據網友話，翁帆喺學校相當低調，記筆記超級認真，同一般大學生冇分別。有睇過相嘅網友就讚翁帆睇落好後生，一啲都唔似三十五歲咁話，亦有網民質疑廣東外語外貿大學翻譯學碩士嘅翁帆，係咪靠自己嘅實力考入清華？定係因為清華畀面楊振寧？仲有內地傳媒特登向清華求證，但清華職員梗係唔會答呢啲咁敏感嘅問題，大學職員就話因為要保護學生私隱所以唔答。
翁帆衣着樸素，上課時神情專注，同一般學生冇分別。