政壇：許榮茂出手助新來港學生
世茂房地產老闆許榮茂近年熱心公共事務，近期又密密籌備，搞咗個「新家園世茂助學金計劃」，呢個助學金由佢任董事會會長、恒基太子爺李家傑等多位重量級商界人士任副會長嘅新家園協會負責，專門幫助由內地來港嘅清貧學生，喺書本費、校服費及文具費方面提供援助，令呢班學生可以喺新環境中安心讀書。
隔多兩日，許榮茂就會現身講解點解要成立呢個助學金，值得一提嘅係，許榮茂佢哋呢個助學金計劃得到好多社團支持，如廣東社團總會、福建社團總會、新界社團總會、九龍社團總會、工聯會，港島校長聯會等，有咁多團體支持，將來助學金受助人嘅申請、揀選甚至審批等，都容易得多啦。
許榮茂牽頭成立助學金計劃，專門援助內地來港清貧學生。（資料圖片）