政壇：莫兆麟有新工退出白鴿黨
區選殺到埋身，建制派同泛民陣營都傳出退黨消息。最近有消息話，原本打算喺區選中再戰北區嘅白鴿黨黨員莫兆麟對上一個星期突然退黨，選前爆啲咁嘅嘢，好多人都會諗係咪區選排陣出事，但莫兆麟就話佢退黨純粹係因為最近搵咗份新工，喺一間非牟利機構任職，經常要往返內地，所以孭住個黨唔係咁方便喎。
莫兆麟係白鴒黨嘅中央常務委員，亦係民主青年主席，喺黨內都算係身居要職。佢係上屆北區區議員，但喺○七年選舉連任失敗，所以打算喺嚟緊區選捲土重來，據聞仲計劃跨區空降到屯門三聖選區挑戰民建聯議員蘇炤成，但佢依家退咗黨，選唔選都未知。佢尋日就喺社交網站上留言，話要多謝班街坊多年嚟嘅愛護同支持。
莫兆麟早前突然退出民主黨，方便往返內地搵真銀。（資料圖片）