暴雨浸死村民 官轟渠署報告差

【本報訊】在去年七月颱風「燦都」帶來的大暴雨中，七十二歲上水營盤村村民李耀祖被湧入屋內洪水淹死，死因研訊昨續審。渠務署工程師潘瑞信出庭解釋署方報告，但遭死因裁判官陳碧橋大肆批評：「個報告無作者名、無部門名、無日期，都唔知邊個响幾時寫嘅……中學生習作都會寫自己名啦，呢啲咩報告嚟o架？你哋渠務署咁做嘢嘅咩？」陳官將在下周一作出裁決。

質疑雜物卡渠道

理工大學土木及結構工程學系教授李志偉昨以專家身份出庭作供，李指雜物阻塞去水道導致水浸的可能性不大，認為水浸是河道的疏水能力不足以應付二十七年一遇大雨所致。但陳官質疑：「現實就係有雜物卡住吖嘛，唔一定物件大過水渠先會塞住o架，好似啲坑渠咁，唔係通渠師傅都唔會咁好生意啦﹗」

死者女兒在結案陳詞時說：「係因為維修水渠嘅人無清理河道入面去水位嘅雜物，先會水浸，令我無咗爸爸。」渠務署律師則認為，若非死者前一日跌傷以致行動不便，或能及時走開，避過意外。

案件編號：CCDI 974/10